Списание

1. Жива Антика, Меѓународно списание за антички студии.
(info@antiquitasviva.edu.mk)
Пред 55 години, на Философскиот факултет во Скопје, на Катедрата (подоцна Институтот) за класична филологија беше промовирана Жива Антика (Antiquitas Viva), како единствено сојузно списание во тогашната Југославија, од областа на класичните науки. Во 1957 година беше овозможено и колегите од другите земји (класични филолози, археолози и историчари, кои се занимаваат со античкиот свет) да ги објавуваат своите прилози во ова списание. Постепено Жива Антика прерасна во меѓународно списание за класични студии. Денес уредничкиот одбор на Жива Антика го сочинуваат членови од десетина европски земји, т.е. од Македонија, Србија, Хрватска, Словенија, Бугарија, Грција, Полска, Италија (а се прават напори, да се вклучат членови и од Албанија, Австрија и Романија).
Уреднички одбор: акад. Петар Хр. Илиевски и проф. д-р Витомир Митевски (главен уредник), Скопје, Македонија; проф. д-р Слободан Душаниќ, Белград, Србија и Црна Гора; проф. д-р Оља Периќ, Загреб, Хрватска; акад. Кајетан Гантар, Љубљана, Словенија; проф. д-р Маргарита Тачева, Софија, Бугарија; проф. д-р K. T. Вичак, Лоѓ, Полска; проф. д-р Барбара Скардиљи, Сиена, Италија.
Поопширно за историјатот, монографиите и содржините на годиштата види го сајтот на списанието www.antiquitasviva.edu.mk

2. Systasis, Списание на Здружението на класични филолози „Антика.“
Ова електронско списание постои од 2002 г., а за поопширни информации види го сајтот на списанието www.systasis.org.mk